Oras 2:59 gikaluhaan

CEBU, Philippines - Ambot sab nganong nahimugso man kining pulong "history repeats itself" ug kining tulo ka "most abused words" mao dayon ang akong nahuna-hunaan human gipaundang sa referee ang away nilang Nonito "The Filipino Flash" Donaire batok kang Jorge Arce sa Mexico kinsa wala na makaagwanta sa kumo ni Donaire ug kutob lang sa 3rd round ang tanan niyang hambug.

Nisiga ang akong mata dihang gibutyag ang mga pamahayag tali sa duha ka boksidor sa pre-fight kagahapon didto sa Toyota Center, ang homecourt sa Houston Rockets sa NBA.

Matod pa gyud ni Arce kinsa mas beterano kung itandi ni Donaire, nga dili kuno angay manghambug ang atong kakabayan tungod lang kay iyang na-knockout si Fernando Montiel. Iya kunong himoong miserable ang boxing career ni Donaire ug segurado gyud kuno nga siya maoy modaug apan gibali-wala lang kini ni Donaire. Milampos pagdepensa si Donaire sa iyang WBO super-bantamweight title batok ni Arce kinsa maayong pagka-wingig dihang naigo sa iyang kusog nga left hook nga milagitik mura'g kawayan.

Aduna na siya'y record nga 31-1 diin ang 20 niini pinaagi sa knockout samtang ang kagaon nga si Arce adunay record nga 61-7-2.

Kung kahinumdoman, 2:59 sab ang oras dihang nabulintang si Manny Pacquiao dihang nasugat niya ang tuong jab ni Juan Manuel Marquez sumad usa ka semana ang milabay didto sa MGM Grand Garden sa Las Vegas, Nevada.

Kung unsa kini ka maayo si Donaire kinsa nailhan nga usa ka "scientific" boxer, wala na siya mapilde sa iyang pagsaka sa ring sulod sa 11 ka tuig ang milabay.

Ang maong sangka nga maoy nag-ulohan sa boxing card sa HBO ug sa Top Rank Promotions, gitawag ug ''World Championship Boxing'' season finale diin kataposan sab kining broadcast sa beteranong si Larry Merchant sa iyang 35 ka tuig isip ringside commentator sa HBO network.

Tungod sa maong kadaugan, hayan nga madayon gyud nga si Donaire maoy pilion isip Fighter of the Year sa Yahoo sports.

Ang ubang mga inilang boksidor nga gipilian unta alang sa maong titulo mao silang Floyd Mayweather Jr., Andre Ward, Manny Pacquiao, Sergio Martinez ug Juan Manuel Marquez.

MISCELLANEOUS. I am invited to the Radyo Singko Christmas Party on December 22 by Kapatid network station manager Karla Kintanar-Fernandez. Congratulations to the Canillas Customs Brokerage of team owner Roy Canillas for winning the title of the 1st Cebu International Port Users (CIPU) basketball tournament after winning in the knockout finals against the much-younger Cebu Basketball Mania Association (CEBAMA) of basketball-buff brothers Jury and Jeff Garcia last week at the Benedicto College gym. The third placer was the Avenido Brokers while the fourth placer was the FYA-Martinez of brothers Noel and Baeng Medalle. We have lots of fun during our Christmas party of 1972-1973 high school batch of the University of Southern Philippines last Saturday, December 15 at the USP Alumni Hall. Actually, I was only up to third year (Section B) in USP-Lahug and graduated at the Camotes Visayan Insittute. But because I have so many friends and my friends are loyal to me, they always remember me with my wits and humor. Looking forward to our Grand Alumni Homecoming in July next year where I and Nonoy Parcon of DYLA are tasked for inviting our classmates  who are now working/residing abroad.

I have two classmates who are retired Generals in my buddy Brig. Gen. Ernesto R. Aradanas and his tokayo Brig. Gen. Ernesto Tesoro.