Title defense ni Singwangcha sa Dis. 2
CEBU, Philippines - Panalipdan ni Philippine super flyweight champion Marco Demecillo Singwangcha ang iyang limpyo nga rekord batok ni Jessie Tuyor sa Mindanao sa main event sa "Fighters of the Future" fight card sa Disyembre 2 didto sa Mandaue City Cultural and Sports Complex.
Ang garbo sa Iligan City nga si Singwangcha, walay pilde sud sa 18 ka professional fights, 13 niini gikan sa knockout.
Si Singwangcha lab-as pa gikan sa fourth round TKO nga kadaugan batok ni Marjuan Tabamo niadtong Septiyembre didto sa Iligan City.
Sa supporting bout, ang Mandauehanong si Gerpaul Valero sa Flores Stable makigharong usab ni Ronnie Sunido sa Zamboanga City.
Mokompleto sa fight card mao ang sangka nila ni Ardie Boyosi ug Dondon Narvaez, Jayson Singwangcha batok Jomar Ministerio, Llanera Singwangcha batok Jesson Inso, Belmar Plaza batok Richard Rosales, Tabanao Singwangcha batok Jerome Baja ug Canoy Singwangcha batok Gary Rojo. (BANAT SPORTS)
- Latest
