Golf ug Hotel teams midaog sa tagsa-tagsa nilang kontra

CEBU, Philippines -  Midaog ang Golf Team ug ang Hotel Team batok sa tagsa-tagsa nila ka kaatbang sa  Center Katipunan A. Lopez Christian Organization (CEKALCO) 2012 Christmas basketball tournament  niadtong Biyernes sa gabii didto sa  A. Lopez open court.

Gipukan sa  Golf  ang Delta team ni Roland Sameon sa iskor nga 84-73, samtang ang Hotel Team mipalayas sa Team Charlie, 91-84.

Dili kaayo daku’g labaw ang Team Golf, apan medyo nakaginhawa sila'g lawom sa fourth period dihang milabaw sila’g siyete puntos, 56-49 pinaagi sa mga puntos nilang Kit Arellano ug Gino Almencion.

Silang Arellano ug Almencion maoy nangu sa Golf  sa ilang 24 ug 22 puntos matag usa, samtang ang kanhi USC power forward nga si Ritchie Garcia midugang og 14 puntos.

Ang Delta  gipangulohan ni Randy Damulo, kinsa miposa og 20 puntos, samtang Bebong Estrada ug Julius Gutierez nagkumboya og 23 puntos.

Sa laing duwa, si Kelvin Cinco mipabuto og 45 puntos, 27 niini gikan sa fourth period aron pangulohan ang Hotel Team. Miabag sab sila ni Bhords Tautho ug Mario Rosal nga nagkumboya og 25 puntos.

Si Estoy Panerio mao sab ang nangulo sa Charlie pinaagi sa iyang 24 puntos, gisundan nilang Richard Gubaton ug   Coronel Baculio nga miamot og 14 puntos matag usa.  (BANAT NEWS)

PUNTOS MATAG USA

Unang duwa:

GOLF (84) - Arellano 24, Almencion 22, Garcia 14, Barellano 7, Redena 5, Superales 4, Craso 3, Amahan 2, Bentazal 2, Delos Reyes 1

DELTA (73) - Damulo 20, Estrada 12, Gutierez 11, I. Sinag 8, Sameon 7, Acosta 6, Ho 3, Gonzaga 2, Genon 2, Catigtig 2

Ikaduhang duwa:

HOTEL (91) - Cinco 45, Tautho 13, Rosal 12, Valderama 7, Craus 6, Navares 4, Elmido 2, Escolar 2

CHARLIE (84) - Panerio 24, Gubaton 14, Baculio 14, Soco 12, Bacho 8, Enchong 6, Do. Panugaling 4, Dn. Panugaling 2