Sector 2, Sector 3 gisubha'g daog sa Pagsabungan tilt

CEBU, Philippines - Gisubhan og daog ang Sector 2 ug Sector  3 sa pagsugod sa Pagsabungan Katipunan ng mga Kabataan Sectoral Basketball Tournament 2012 niadtong Domingo sa hapon didto sa ilang basketball court sa dakbayan sa Mandaue.

Ang Sector 2 midaog batok sa Sector 1 sa iskor nga 32-26, samtang ang Sector 3 milubong sa Sector 6 sa iskor nga 37-21 ubos sa juniors division.

Si Richard Enero miiskor og 11 puntos aron pangulohan ang Sector 2 ni sectoral councilor Engr. Carlo Cotejo, samtang ang Sector 1 ni sectoral councilor Dick Judilla gipangulohan usab ni Jayvee Corbo, kinsa miposa og 17 puntos.

Sa laing bahin, tulo lang ka players ang nakaiskor alang sa Sector 3 ni sectoral councilor Asterio 'Bubbles' Suson, apan nakahimo gihapon kini pagkulit og daog.

Topscorer sa Sector 3 mao si Cycle Ricaford, kinsa miburak og 27 puntos, samtang si Van Cabahug miiskor og siyete puntos alang sa Sector 6 ni councilor Roman Solon.

Ang torneyo gipasiugdahan sa Sangguniang Kabataan sa Pagsabungan pinaagi sa ilang tsirman nga si Rey Judilla uban sa suporta sa Barangay Council ubos sa liderato ni Brgy. Capt. Andres Suson.

PUNTOS MATAG USA

Unang duwa:

SECTOR 2 (32) - Rich. Enero 11, Ale. Palapar 8, Riel Enero 5, Cañete 4, Goc-ong 2,  All. Palapar 2

SECTOR 1  (26) - Corbo 17,  Mondijar  4,  Gacrama 2, Monteza 2, Tapia 2, Pinote 1

Ikaduhang duwa:

SECTOR 3 (37) - Ricafort 27, Soroño 8, Canoy 2

SECTOR 6 (21) - V. Cabahug 7, Paglinawan 6, Molit 5, A. Cabahug 3 (BANAT NEWS)