Rondo nagpasiklab sa pagbabalik; Celtics dinala sa panalo
BOSTON--Bumalik si Rajon Rondo matapos umupo kamakalawa dahil sa isang sprained right ankle injury para tulungan ang Boston Celtics sa 107-89 panalo laban sa Toronto Raptors..
Nagtala si Rondo ng 20 assists sa ikalawang pagkakataon ngayong season bukod pa sa kanyang 6 points para sa panalo ng Celtics.
Umiskor naman si Jason Terry ng 20 points kasunod ang 19 ni Paul Pierce bago ipahinga sa fourth quarter, habang tumipa si Kevin Garnett ng 15 markers sa loob ng 17 minuto.
“We have an offense and then he creates another offense at times,’’ sabi ni Boston coach Doc Rivers kay Rondo na hindi naglaro sa kabiguan ng Boston sa Brooklyn noong Huwebes dahil sa kanyang ankle injury.
Nagtala si Rondo ng 11 assists sa halftime para sa Celtics na hindi na pinabayaang makalapit ang Raptors sa fourth quarter.
Nag-ambag naman si rookie Jared Sullinger ng kanyang unang career double-double na 12 points at 11 rebounds para sa Boston.
Binanderahan nina Andrea Bargnani at John Lucas ang Toronto mula sa kanilang tig-15 points.
Sa iba pang laro, nanalo ang Utah sa Washington, 83-76; Memphis sa Charlotte, 94-87; Dallas sa Cleveland , 103-95; Miami sa Phoenix, 97-88 at San Antonio sa Denver, 126-100.
- Latest
