Mrs. Robredo nag-bus lang paluwas ng Maynila kaya na-late sa show ni Karen Davila

Seen : Pinanghihinayangan sina Ara Mina at Francine Prieto dahil tumanggap agad sila ng mother roles. Konti lamang ang agwat ng mga edad nina Francine at Ara sa mga aktor na gumaganap bilang mga anak nila. Si Ara ang nanay ni Rocco Nacino sa Yesterday’s Bride at mommy ni Xian Lim sa Ina, Kapatid, Anak si Francine.

Scene : Dinumog ng Pinoy fans si Mario Maurer sa premiere night ng Suddenly It’s Magic sa SM Megamall Cinema noong Martes ng gabi.

Seen : Dumalo sa red carpet premiere ng Suddenly It’s Magic ang ina at kapatid ni Mario Maurer.

Scene : P100 million plus ang box-office gross ng A Secret Affair sa anim na araw na showing nito sa nationwide theaters. Inaasahan na madaragdagan pa ang kinita sa takilya ng pelikula nina Anne Curtis, Derek Ramsay at Andie Eigenmann dahil sa magagandang reviews at feedback nito.

Seen : Na-late kahapon si Leni Robredo sa guesting niya sa show ni Karen Davila  dahil bumiyahe pa siya sa bus mula sa Naga City. Si Leni ang biyuda ni DILG Secretary Jesse Robredo.

Scene : Hindi pa masabi ng mga scholar ng Artista Academy ang mga papel na gagam­panan nila sa Forever Barkada dahil hindi pa nag-uumpisa ang taping ng youth oriented television show ng TV5.

Seen :  Ang report ng Box Office Mojo International sa mga pelikula na ipinalabas sa mga sinehan sa Pilipinas noong October 17 hanggang October 21.