Gisaway kay dagha'g puti

Pipila ka mga civil rights leaders sa Minnesota ang misaway sa line-up karon sa Minnesota Timberwolves tungod kay nagpasulabi ang mga puti nga players inay sa mga Africa-American.

Ang Timberwolves mao na ang koponan nga adunay dominanteng 'white' players sa kasaysayan sa NBA sunod sa 1980 Boston Celtics. (LPM) 

De La Hoya gusto mobalik?

Nagpadungog-dungog na usab ang boxing icon nga si Oscar De La Hoya nga gusto siya nga mubalik og away sa ring human sa dugay niyang panahon nga miretiro.

Gamit ang iyang twitter account ang big boss sa Golden Boy Promotions miingon nga anaa gihapon siyay kusug nga makapatumba og mga boxer sa light middleweight division. (LPM)

Unang boxing sa Afghanistan

Nagmalampuson ang labing unang boxing event nga gipahigayun sa nasud sa Afghanistan nga giisip gihapon nga usa sa labing kuyaw nga nasud sa kalibutan tungod sa terorismo.

Sa maong event, midaog ang pambato sa Afghanistan nga si Hamid Rahimi kinsa misakmit sa WBO Intercontinental middleweight belt batok ni Said Mbelwa sa Tanzania pinaagi sa TKO. (LPM)

Irish coach sa Phl Team

Gikuha sa Amateur Boxing Association of the Philippines (ABAP) ang serbisyo sa bangiitang Irish amateur boxing trainer nga si Kevin Smith aron mutabang pagbaid sa abilidad sa mga Pinoy boxers.

Ang maong lakang kabahin sa tinguha sa ABAP nga mapalig-on pa ang tsansa sa Pilipinas nga makakuha na og medalya sa sunod Olympics. (LPM)

Phelps mag-golfer nalang

Gibutyag ni multiple Olympic gold medalist nga posibling mubalik siya pagduwa sa Olympic apan dili na sa swimming apan sa natad na sa golf.

Si Phelps kinsa maoy record holder sa labing daghan nga medalya sa swimming nagsugod karon pagduwa og golf nga usa sa mga sports nga duwaan sa sunod Rio Olympics. (LPM)