MANILA, Philippines - Idedepensa nina Toby Gadi at Bianca Carlos ang kanilang mga titulo sa Open division sa paghataw ng MVP Sports Foundation-Philippine Badminton Ranking System (PBaRS) sa Oktubre 27-31 sa Powersmash at Makati Coliseum.
Nagkampeon sina Gadi at Castilo sa first leg sa Cebu noong Mayo kung saan ang dalawang manlalaro ang tinanghal na No. 1 sa ranking patungo sa limang araw na event na hatid ng GOAL Pilipinas at inorganisa ng Philippine Badminton Association sa pangunguna nina Vice President Jejomar Binay, chair Manny V. Pangilinan at sec-gen Rep. Albee Benitez.
“The MVP Sports Foundation-PBaRS brings back the trust, respect and confidence in the new badminton system. Through this ranking event, we now have the basis to identify the best and the same time spot the young players with potentials,” ani tournament director Nelson Asuncion.
Ang iba pang nagtataguyod sa event ay ang PBA Partylist (Pwersa ng Bayaning Atleta), Gatorade, Badminton Extreme Philippines Magazine, Victor Pcome Industrial Sales Inc., Vineza Industrial Sales, Sincere, Krav Maga Philippines at TV5.