All-Students chessfest gitakda
CEBU, Philippines - Dul-an sa P10 mil ang giandam alang sa Cebu All-Students Chess Tournament karong weekend diha sa University of San Carlos (USC)-North campus gym.
Ang duha ka adlaw nga torneyo nga bukas sa tanang tinun-an nga na-enrolled karon nga semestral year, naglatid sa kiddies (14-under) ug juniors (20-under) divisions.
Mosubay kini sa usa ka 7-round Swiss system format.
Ang kampiyon sa juniors mobulsa og P1,500, ang mopahiluna sa ikaduha makadawat og P1,000 ug ang ikatulo makaangkon og P700. Ang motugpa sa ikaupat ug ikalima gantihan og P500 ug P300 matag usa.
Ang kampiyon sa kiddies class mouli bitbit ang P1,000 nga ganti, ang ikaduha makadawat og P700. Ang mopahiluna gikan sa ikatulo hangtod sa ikalima makadawat og P500, P300 ug P200 matag usa.
Ang top ladies performer modaog og P700 sa juniors division ug P500 sa kiddies class.
Ang registration nagkantidad og P75 alang sa kiddies ug P100 sa juniors.
Alang sa dugang mga kasayoran, mahimong mokontak ni chief arbiter Felix Poloyapoy sa 0915-3114930 and 0933-5765077 o sa iyang deputy NM Arnold Cadiz sa 412-2307 ug 0927-2238864. (BANAT SPORTS)
- Latest
- Trending
