SSC Stags pinadapa ang SBC Red Lions

Laro sa Huwebes

(The Arena,

San Juan City)

4 p.m. St. Benilde

vs Letran (jrs playoff para sa No. 3)

6 p.m. Perpetual

vs Jose Rizal (srs playoff para sa No. 4)

MANILA, Philippines - Hindi ininda ng San Sebastian ang maagang pagkakatalsik sa laro ni Ronald Pascual nang humugot sila ng solidong numero kay Calvin Abueva patungo sa 69-55 panalo laban sa San Beda sa pag­tatapos ng 88th NCAA men’s basketball elimination round kagabi sa The Arena sa San Juan City.

Ibinuhos ni Abueva ang 13 sa kanyang 23 pun­­tos sa huling yugto pa­ra maisantabi ang ha­mong ibinigay ng two-time de­fending champion Red Lions na nakadikit sa 41-43 matapos ang tatlong yugto.

“Mahalagang laro ito pa­ra sa amin. Pero hindi ko inaasahan na ganito ma­tatapos ang laro kasi maagang nawala si Ro­nald (Pascual),” wika ni Abueva, humugot ng 16 re­bounds, 2 blocks at 3 assists.

Sa tinapos ni Abueva, si­ya ang lalabas na kauna-unahang manlalaro ng NCAA na mangunguna sa scoring, rebounding at assist sa isang season.

Para sa Stags, nakuha nila ang ika-13 panalo ma­tapos ang 18 laro para ang­kinin ang No. 2 seat at magkaroon ng ‘twice-to-beat’ advantage sa Final Four laban sa host Letran.

Nawala si Pascual may 5:54 sa unang yugto da­hil pinituhan siya ng punching foul kay Rome de­la Rosa.

Pero hindi nakapitalisa ng San Beda ang pangyayari dahil sa husay ni Abueva at suporta mula ki­na Ian Sangalang at Dex­ter Maiquez. (AT)

San Sebastian 69 - Abueva 23, Sangalang 19, Maiquez 13, Juico 6, Gusi 5, Dela Cruz 3, Rebullos 0, Vitug 0, Miranda 0, Antipuesto 0, Pascual 0.

San Beda 55 - Dela Ro­sa 12, Lim 11, Caram 7, K. Pas­cual 6, J. Pascual 6, Adeogun 5, Dela Cruz 4, Amer 4, Mendoza 0, Ludo­vice 0, Koga 0.

Quarterscores: 9-7; 30-22; 43-41; 69-55.