Pecandela padayong nagmangtas

CEBU, Philippines - Wala lang gihapo'y pilde sulod sa upat ka sunod-sunod nga duwa ang Pecandela Law Firm ni Mark Russ Gamallo nga gipaluyohan sa Primary Homes human ilang giputla'g sungay ang Los Demonyos sa iskor, 86-55 kaniadtong Sabado atol sa nagpadayong 9th season sa Integrated Bar of the Philippines (IBP)-2012 basketball tournament didto sa Capitol Parish gym sa dan Escario, ning dakbayan.

Gidominar sa Pecandela ang duwa gikan gyud sa sinugdanan aron ilubong ang ilang karibal ngadto sa 31 puntos.

Ang tirador nga si Tommy Yu maoy nangu sa Pecandela sa iyang 24 puntos ug ang sentro nga si Gamallo miamot og 17 puntos.

Nagkumboya sab og 26 puntos atol sa maong kadaugan silang Sam Malazarte ug Brandon Enad kinsa mibahug sab og double figures sa ilang earheaded Pecandela with a game-high 16 ug 10 puntos matag usa.

Silang Richard Bauzon ug Ferdie Riveral maoy nangu sa Los Demonyos sa parehong 12 puntos.

Sa primerong duwa, midaug ang Super Idols ni Bong Pepito, 73-58 batok sa Dissenters samtang gilampaso sa Bhutakalz ang wala'y daog nga Jodin, 60-38 alang sa ilang ikaduhang daog sa maong torneyo.

Miburak og 31 puntos si Kern Sesante alang sa Dissenters apan dili pa gihapon kadto igong rason aron modaug ang iyang team.

Sa laing bahin, gilampurnas sa Paneros ang wala sa'y daog nga Primos of Rama Clan, 62-48 aron inaton ang ilang baraha ngadto sa 3-1.

Puntos matag usa:

First Game:

PECANDELA (86)- Yu 24, MR Gamallo 17,Malazarte 16, Enad 10, Fr. Pepito 6, Musong 6, Capoy 5, Tomaodos 2. 

DEMONYOS (55)- R. Bauzon 12, Riveral 12, Ortiz 11, E. Bauzon 8, Yap 5, Ceniza 3, Velez 2, Flores 2.

Second Game:

SUPER IDOLZ (73)- F. Pepito 21, Macion 16, Apolinario 14, Piquero 10, B. Pepito 6, Heyrosa 3, Arrabis 3.

DISSENTERS (58)- Sesante 31, Mi. Sarno 4, Sususco 4, Dela Cerna 4, Amores 3, Ma. Sarno 2, Garcia 2, Orcullo 2, Asis 2, Codera 2, Rosal 2. 

Third Game:

BHUTAKALZ (60)- Ang 27, Gealon 8, Ligutan 7, Arnaiz 6, Guieb 6, Hernaez 4, Prieto 2. 

JODIN (38)- Fornolles 10, Sojor 9, Ungab 8, Elmido 7, Narido 4

Fourth Game:

PANEROS (62)- Balorio 11, Ruaya 10, Cabilte 10, Manching 7, Juban 7, R. Pepito 7, Calipayan 6, Ordeniza 4. 

PRIMOS (48)- Tabotabo 12, Pacoli 12, N. Rama 8, Ty-Farma 5, Badilles 5, En. Rama 4, Astillero 2.