Sikat nga referee mo-officiate sa Banal-Singyu showdown

 CEBU, Philippines - Sa kadaku ug kamahinungdanon sa WBO bantamweight title fight tali nila ni AJ 'Bazooka' Banal ug Pungluang Sor Singyu, ang World Boxing Organization (WBO) mikuha ni veteran international referee Tony Weeks nga maoy mo-officiate sa  away.

Gitahasan si Weeks nga maoy  moreperi sa sangka ni Banal-Singyu fight sa main event sa "Pinoy Pride XVII: Philippines vs. The World" sa Oktubre 20 didto sa SM Mall of Asia Arena sa kaulohan.

Si Weeks mao ang ni-officiate sa WBC middleweight title fight tali nila ni Julio Cesar Chavez Jr sa Mexico ug Argentinian Sergio   Martinez niadtong Septiyembre 15 didto sa Las Vegas.

Siya usab ang reperi sa blockbuster fight  nila ni Floyd Mayweather Jr. ug Miguel Cotto niadtong Mayo.

Mga hurado sa maong away naglakip nilang Robert Hoyle, Raul Caiz Jr. ug Levi Martinez.  (BANAT SPORTS)