Lapu-Lapu Sports Club mikuykoy daog sa MRF caging

 CEBU, Philippines - Mikuykoy og daog ang Lapu-Lapu Sports Club (LLSC) sa ilang pakigbatok sa Bankal, 116-99 sa 2012 Material Recovery Facility (MRF) open basketball tournament niadtong Domingo didto sa ilang basketball court sa barangay Soong, Lapu-Lapu City.

Si Josak Arong maoy kugihan mikubkob og iskor sa iyang 43 puntos aron pangulohan ang Lapu-Lapu Sports Club ni coach Dodong Aparente.

Sila si Sherwin Candilada ug Pompy Ngujo miukay og 20 puntos matag usa, samtang si Dandan Ramos miugkat og 15 puntos alang sa Lapu-Lapu Sports Club, kinsa maoy nidominar sa kinatibuk-ang duwa.

Ang naparot nga Bankal gipangulohan ni Glen Villomo, kinsa mirakrak og 25 puntos. Lain upat niya ka teammates ang mikandos og double figures.

Gidumala ni Marvin Francisco, ang torneyo gipaluyohan ni Lapu-Lapu City Mayor Paz Radaza.

PUNTOS MATAG USA

LLSC (116) - Arong 43, Candilada 20, Ngujo 20, Ramos 15, Bintain 8, Francisco 3, Sandal 2

BANKAL (99) - Villomo 25, Fuentes 20, Paquibot 19, Elorde 15, Cañete 11, Limpot 3, Godinez 1  (BANAT SPORTS)