Sevillano, Derotas nidominar
CEBU, Philippines - Sa labing unang higayon sud sa duha ka dekada, ang mga magduduwa sa Sugbu ang midominar sa boys and girls kiddie division sa Shell National Youth Active Chess Championships sa miaging adlaw didto sa SM Megamall, Manila.
Ang mga pambato sa University of San Carlos (USC) nga sila si Rhenzi Kyle Sevillano ug Vic Glyzen Derotas maoy mipatigbabaw batok sa ilang mga kaatbang gikan sa nagkadaiyang dapit sa nasud aron sakmiton ang titulo.
Si Sevillano, kinsa nadala sa national finals human midaog sa Davao leg mitapos sa torneyo uban ang siyam ka daog ug usa ka draw.
Sa maong kadaugan, ang 13-anyos nga si Sevillano misakmit sa titulo sud sa lima ka higayon niya nga pag-apil. Gawas sa tropeyo, si Sevillano mibulsa sab og P20,000.
Sa iyang bahin, ang 11-anyos nga si Derotas, kinsa mikolekta og 8.5 points sa torneyo mouli usab sa Sugbu bitbit ang P10,000 ug tropeyo. (BANAT SPORTS)
- Latest
- Trending
