Alvarez, llerin hari press freedom run

CEBU, Philippines - Gidominar nilang Bayani Alvarez ug Hanz Llerin ang Press Freedom Run 2012 kagahapon didto sa City Sports Club Cebu ground sa Cebu Business Park.

Ang 100K Ultramarathon finisher nga si Alvarez maoy naghari sa 5K men’s division sa oras nga   20:38, gisundan ni Jurlito Montecillo (20:49) ug Ronald Tomaquin   (22:55) alang sa ikaduha ug ikatulo nga dapit.

Sa pikas bahin, si Llerin mao usab ang nanghawod sa women’s class sa oras nga 29:42 batok ni Armie Gardie, kinsa mipahiluna sa ikaduhang dapit sa oras nga 30:28. Si Connie Fernandez mipuwesto sa ikatulo sa oras nga 31:01.

Sila si Juvey Veloso ug Corrame Aliste mao usab ang nag-una sa tagsa-tagsa nila ka kategoriya sa 3K division.

Gitapos ni Veloso ang dagan sa oras nga 13:39 aron sakmiton ang titulo sa men's class. Ang kanhi kampiyon nga si Gabby Lariosa mipahiluna sa ikaduha sa oras nga 13:46, gisundan ni Julius Panerio sa oras nga 14:23.

Uban ni Aliste sa top three mao sila si Emerald Quiapo ug Laureen Mondodendo   nga miangkon sa ikaduha ug ikatulong dapit.  (BANATNEWS)