Pecandela Law Firm daog na sab sa IBP 2012 cagefest

CEBU, Philippines - Mihipos sa ilang ikatulong daog ang Pecandela Law Firm/Primary Homes human ilang gilampurnas ang Jodin, 73-55 aron temporaryong mag-una sa liderato 9th Integrated Bar of the Philippines (IBP) 2012 basketball tournament didto sa Capitol Parish gym sa dalan Escario, ning dakbayan.

Nagmangtas ang Pecandela sa fourth period gamit sa ilang 26-14 scoring run sa giya ni Ivans Gamallo, kinsa maoy miduslit sa mainitong rally pinaagi sa iyang sunod-sunod nga 10 puntos. Apan si Francis Pepito maoy topscorer sa Pecandela sa iyang 17 puntos. Ang pilderong Jodin gipangulohan sa beteranong pointguard Jun Felicitas, kinsa miposa og 20 puntos lakip na ang upat ka three-pointers. Si Graeme Elmido midugang og 10 puntos.

Sa laing duwa, gilubong sab sa Los Demonyos ni coach Norwin Honoridez ang walay daug-daog nga Primos of Rama Clan sa iskor nga 92-64.

Si Bads del Prado miposa og pito ka triples alang sa kinatibuk-an niyang 42 puntos aron pangulohan ang Los Demonyos.

Silang Mat Velez ug Ferdie Riveral parehong miiskor og double figures.

Sila si Noly Rama ug Marco Pacolo nagkumboya og 31 puntos alang sa Primos.

Midaog sab ang Paneros batok sa Dissenters, 72-65.

Ang power forward nga si Ruel Juban ug si Barry Busi miposa og 27 ug 21 puntos matag usa alang sa Paneros. Samtang ang kanhi UC Webmasters nga si Kern Sesante miburak og 28 puntos alang sa Dissenters.

Sa sayo pa, ang Bhutakalz midaog batok sa Eagles sa iskor, 78-69 ubos sa liderato ni Rey Gealon ug Ivans Verallo sa ilang 16 ug 13 puntos matag usa.

Ang nabuntog nga Eagles gipangulohan ni Ian Santos pinaagi sa iyang 26 puntos.

PUNTOS MATAG USA

Unang duwa:

BHUTAKALZ (78) - Gealon 16, Verallo 13, Ang 12, Arnaiz 12, Alvios 10, Prieto 6, Ligutan 4, Hupp 3, Sapayan 2

EAGLES (69) - Santos 26, Lagahit 12, Hiyas 11, Pareja 6, Canta 5, Avila 4, Miralles 3,

Solis 2

Ikaduhang duwa:

PECANDELA (73) - Fr. Pepito 17, Malazarte 14, Gamallo 10, Enad 8, Yu 8, Musong 6, Tomaodos 6, Tenefrancia 2, Canete 2

JODIN (55) - Felicitas 20, Elmido 10, Capahi 8, Geotina 8, Narido 5, Reyes 4

Ikatulong duwa:

DEMONYOS (92) - Del Prado 42, Velez 14, Riveral 10, Flores 8, Bragat 8, Bauzon 6, Ortiz 4

PRIMOS (64) - N. Rama 16, Pacoli 15, Badilles 14, En. Rama 6, Tabotabo 6, Es. Rama 6, Davide 1

Ikaupat nga duwa:

PANEROS (72) - Juban 27, Busi 21, Molde 10, Cabilte 5, Manching 3, Ordeniza 2, Retuya 2, Pepito 2

DISSENTERS (65) - Sesante 28, Olingay 11, Sususco 10, Ma. Sarno 8, Mi. Sarno 3, Asis 3, Amores 2 (BANAT SPORTS)