Handa na ang lahat sa Rexona Run 2012
MANILA, Philippines - Nakatakdang pakawalan sa Linggo ang Rexona Run 2012 sa SM Mall of Asia grounds.
Bukod sa mga cash prizes, mamamahagi rin ng mga medalya sa mga mananalo sa 21K Solo, 21K Relay at 5K races, habang nakalatag naman ang mga flat screen TVs, appliances at mobile phones para sa mga masuwerteng partisipante.
Ang top 3 finishers sa 21K Solo ay tatanggap ng P7,000, P5,500 at P4,000, habang ang top 3 sa 21K Relay ay bibigyan ng P5,000, P4,000 at P3,000 at ang top 3 sa 5K category ay mag-uuwi ng P4,000, P3,000 at P2,000.
Itatampok din sa Rexona ang hamon sa mga runners na lampasan ang “industry standard” kung saan ibibigay ang mga commemorative key chains sa mga finishers na nakatapos sa karera sa rekomendadong finishing time.
Para makatakbo sa 5K, dapat matawid ng mga runners ang finish line bago ang alas-6:20 ng umaga, 30 minuto mula sa gun start at ang lahat ng 21K runners ay dapat tumapos sa alas-7, dalawang oras matapos ang gun start.
- Latest
- Trending
