Green, Kentkyle sud semis
CEBU, Philippines - Gipangpilde sa Green ug Kentkyle Cuisine ang tagsa-tagsa nilang kaatbang aron moabante sa semifinals sa Bureau of Customs 3rd Major Alfonso Abbariao Cup 2012 basketball tournament didto sa Benedicto College gym sa A.S. Fortuna St., Mandaue City.
Miagi una og tungason nga dalan ang Green sa wala pa sumpoa ang Blue ni District Collector Ronnie Silvestre, 80-77, samtang ang Kentkyle Cuisine mipilde sab sa Avenio Customs Brokerage sa iskor nga 85-79.
Gidominar sa Blue ang unang tulo ka kuwarter pinaagi sa pagtimon ni Tata Laborte.
Didto na nailog sa Green ang labaw sa nahabiling 5:09 sa fourth period human sa lay-up ni Boodee Montenio sa iskor nga 62-61.
Si Noel Medalle maoy nagduslit sa mainitong rally alang sa Green pinaagi sa sunod-sunod niyang 10 puntos sa fourth period ug siya usab ang nangu sa kadaugan sa iyang 20 puntos.
Gipangulohan usab ang Blue nilang Laborte ug Rizan Herbito nga nagkumboya og 33 puntos.
Sa sayo pa, wala mapiog ang kanhi CIT Wildcat center nga si Ramil Aninion aron pangulohan ang Kentkyle sa iyang 28 puntos.
Nakakuha sab siya og dakung suporta gikan ni Kenneth Maningo, kinsa mikabkab og 19 puntos, samtang ang kanhi USJ-R Jaguar Bert Real midugang og 12 puntos. (BANAT SPORT)
- Latest
- Trending
