FYA All-Star Game karong gabii

CEBU, Philippines - Magsinukdanay sa ilang abilidad ang mga maayong laki magduduwa sa F. Llamas Youth Association (FYA) basketball season sa tinuig nga Dark vs. Light All-Star Game karong gabii didto sa barangay Tisa gym, ning siyudad. 

Gawas sa slam dunk contest ug 3-point shootout, ang uban pang side events naglakip sa 2-ball competition ug skills challenge.

Mobalik si Junrey Arreglo aron modepensa sa iyang titulo isip 3-point king. Hagiton siya nilang Arnel Trinidad, Lito Mirasol, Dexter Caballero, Calvert Malicay, Joel Boysillo, Burnong Endrina, Anderson Haincadto ug John Lloyd Legunas.

Ang mga contestants sa slam dunk contest naglakip nilang Dandan Enriquez, Jaime Atuel, Berto Codilla, Ryan Dacayana, EJohn Fernandez, McLean Alkuino, Kennon Lim ug Duke Teves.

Mopakita sa ilang abilidad sa 2-ball contest mao sila si Lito Sarsaba ug Vernic Antiporta sa MBD Law Office, Archie Rupal ug Raul Cueme sa Harold’s Hotel, Onyot Masongsong ug Adoy Pacana sa Simple Likes Barbecue Haus, Henry Sombilon ug Owen Barliso sa Marty Pimentel Customs Brokerage, Edot Fernandez ug Michael Palo sa GCM, Takli Abella ug Danny Cañete sa Team Benedict Wilson Guy ug Arnel Macachor sa Evoo Resto Bar, Norman dela Corta ug Tope Lavandero sa Tupas Bicycle Center ug silang Porky Pacana ug Andrew Pacubas sa Vanese Justine.

Mosalmot sa skills competition mao silang Isyot Regudo, Joebert Barro, Jakeson Dumaguit, Paul Cajucson, Tonyo Abella, Jimmy Tapdasan, Wesley Carzano, Michael Alguire ug Darly Pasarello.

(BANAT NEWS)