Gawas sa China, giisip usab sa coaching staff sa Smart Gilas nga usa ka lig-on nga kontra ang Lebanon ug Uzbekistan sa FIBA Asia Cup nga sugdan sa Septiyembre 18 didto sa Japan.
Ang Lebanon ug Uzbekistan maoy musukod sa abilidad sa Gilas sa ilang second game human nila sangkaon ang China sa opener. (LPM)
Ward mi-TKO ni Dawson
Impresibong kadaugan ang gipakita ni undefeated Andre Ward dihang iyang gi-TKO sa tenth round ang gikahadlokang si Chad Dawson kagahapon didto sa Oakland, California.
Sa maong kadaugan si Ward kinsa midepensa s aiyang WBA/WBC super middleweight title gipaabot nga musaka sa world pound-for-pound rankings. (LPM)
Bata-Django tandem nataktak
Milampos ang tandem nila ni Mikka Immonen ug Petro Makkonen sa Finland sa pagpalagpot sa Filipino legendary duo nila ni Efren ‘Bata’ Reyes ug Francisco ‘Django’ Bustamante sa 2012 World Cup of Pool didto sa kaulohan.
Si Immonen ug Makkonen mipilde nila ni Bata ug Francisco, 9-5, aron did-an ang Filipino players nga moabante sa finals sa ikatulong higayun. (LPM)
Klitschko midepensa sa bakus
Napanalipdan ni world heavyweight king Vitali Klitschko ang iyang WBC heavyweight belt pinaagi sa pagpatumba ni kanhi undefeated Manuel Charr sa fourth round didto sa Russia.
Si Klitschko mipalambo sa iyang record ngadto sa 45-2, 41KOs, samtang si Charr nakahiagum sa labing una niyang pilde sud sa 22 ka away. (LPM)