Coach Nelson sa hall of fame

CEBU, Philippines - Mahimo nang sakop sa Naismith Memorial Basketball Hall of Fame si coach Don Nelson, ang all-time leader sa coaching victories sa iyang career.

"I don't really feel deserving to be in the Hall of Fame, but I am in and I'm happy about that," matod pa ni Nelson.       Mipadayon siya sa pag-ingon "It's a great, great honor. There are a lot of guys who deserve it more than me that haven't got in yet like Al Attles, Bill [Fitch], [Dick] Motta and those guys. They were real coaches. Man, did they ever coach. So I feel a little undeserving. But anyway, here I am. Here I come."

Sa iya unyang pagmartsa didto sa hawanan sa Hall of Fame, usa ka butang ang dili gyud ikapangutana ug kana mao ang iyang record sa nakolektang daug isip NBA coach.

Sulod sa 11 ka season sa Milwaukee Bucks – ang una gikan pa sa tuig 1976 – 11 sab ka season sa duha ka balik didto sa Golden State Warriors, usa ka mubong kampanya sulod lang sa 59 ka duwa uban sa New York Knicks ug walo ka seasons didto sa Dallas Mavericks, nakatigum og record nga 1,335 ka daog si coach Nelson. Iyang nalabwan ang record ni coach Lenny Wilkens ug gipakita ni Nelson ang tinuoray niyang gibati dihang misayaw siya uban sa mga players dihang nakuha niya ang ika-1,333 nga daog uban sa nagsangki-ig nga Warriors sa iskor, 116-107 batok sa Minnesota Timberwolves niadtong Abril 7, 2010.

"That team that I coached that I love so dearly wanted me to have that record so bad," matod pa ni Nelson.

Siya maoy coach nilang Tim Hardaway, Mitch Richmond ug Sarunas Marciulionis, mga guards nga dunganon niya pagpasulod. Siya sab ang nag-una sa terminong Hack-A-Shaq.

Daghan kaayong mga makahimuot nga coaching style ang giamit ni Nelson ug usa niini ang pagtugot kang 7-7 center Manute Bol pagtira gikan sa three-point area ug diha'y kausa, maoy iyang gipabantay ang seven footer nga si Dirk Nowitzki kang 5'3" guard Muggsy Bogues.

 "I didn't do it to be different. I did it because I thought it gave me an advantage to win games – otherwise I wouldn't have done it. When I coached good teams, I didn't have to do that. But when I coached bad teams I had to be creative," sumala pa ni Nelson. 

Usa sa labing halandumon nga kaagi sa career ni Nelson mao ang iyang pag-coach sa Dream Team II diin midaug ang United States og gold medal sa world championships niadtong 1994.

Aduna siya'y lima ka championship rings isip player sa Boston Celtics apan walay bisan usa ka titulo isip coach. (BANAT NEWS)