CEC Dragons abante semis

CEBU, Philippines – Giusban pagpilde sa fifth-seed Cebu Eastern College (CEC) Dragons ang fourth-ranked University of San Carlos (USC) Baby Warriors, 78-67 aron     angkonon ang katapusang lingkoranan sa semifinals sa juniors division sa 12 Cebu Schools Athletic Foundation Inc. (CESAFI) basketball event kagabii   didto sa Cebu Coliseum.

Bugtong ang CEC Dragons lang ang unseeded nga koponan ang nakalingkawas batok sa team nga nakabaton og "twice-to-beat" advantage sa liga.

Ang CEC Dragons mihatod ngadto sa tinaktakay nga playoff human nila gipilde ang USC Baby Warriors sa Game-1 sa quarterfinal, 83-70.

Ang CEC Dragons makigsangka batok sa Sacred Heart School-Ateneo de Cebu (SHS-AdC) Magis Eagles sa semifinals unya sa Septiyembre 11, samtang ang University of the Visayas (UV) Green Lancers makigbatok sa defending champion University of Cebu (UC) Webmasters.

Gigamit ang kamaro ni Dragons coach Catalino Murillo Jr. dihang iyang gipasulod gikan sa bench taas na kaayo'g kasinatian nga si Michael Lorenzo Balankig, apan ang shooter nga si Mark Vincent Berdera maoy nakahatag og dakung kadaot sa USC Baby Warriors nga mibugwak og 16 puntos aron pangulohan ang CEC Dragons, samtang si Balankig mitukob og 14 puntos.

Si Glenn Suelto maoy nangu sa USC Baby Warriors nga mihansak sab og 14 puntos, gisundan ni Dolan Adlawan mikandos og 14 puntos.

PUNTOS MATAG USA

CEC(78) - Berdera 16, Balankig 14, Zosa 11, Grijaldo 10, Bracero 10, Bacho 7, Alvizo 4, Bayhonan 3, Tan 2, Yap 1

USC (67) - Suelto 16, Adlawan 14, Osabel 11, Galinato 7, Camacho 4, Antigua 4, Sotes 3, Bulan 2, Pillares 2, Piad 2, Ortega 2 BANAT SPORTS