VIGBA milusad sa ilang 2012 Stag Season

CEBU, Philippines – Opisyal na nga gilusad sa Visayas Gamefowl Breeders' Association (VIGBA) ang ilang 2012 season Stag Derby atol sa SCOOP Forum kagahapon didto sa Baseline Restaurant.

Ang derby adunay lima ka stage nga sugdan sa Septiyembre 22 didto sa Sagay City ug sa Tejero cockpit, ning siyudad.

Ang duha ka buwan nga torneyo naglakip sa 2-stag, 3-stag, 4-stag ug 5-stag derby.

"We believe in the current trend of things that "sabong" is now perceived as a sport and have found meaning in an organization like us that caters small-timers," matud pa ni VIGBA Board Member Atty. Rico Amores atol sa press conference kagahapon. Ang VIGBA maoy dinapit sa senemanang SCOOP Forum kagahapon.

Moabot sa P100,000 ngadto sa P1 million ang guaranteed prize sa maong five-stage tournament. Ang entry fee nagkantidad og P3,500 ngadto sa P5,500.

Ang final showdown gitakda sa Nobiyembre 9 kanus-a makadawat og awards ang mga outstanding breeders sama sa "Breeder of the Year" ug "Stag Idol." BANAT SPORTS