Nishioka may respeto kay Donaire
MANILA, Philippines - Bagamat hindi napabagsak ni Nonito ‘The Filipino Flash’ Donaire, Jr. ang kanyang huling tatlong nakaharap, hindi pa rin dapat balewalain ang lakas ng unified world super bantamweight champion.
Sinabi ni Japanese challenger Toshiaki ‘Speed King’ Nishioka na malaki ang respeto niya sa talento ni Donaire.
“Donaire has everything what it takes to be one of the best fighter, and he may not have won by KO since moving up to 122, but he has been winning his fights. That is very impressive,” wika ni Nishioka sa panayam ng Boxing Insider.
Idedepensa ni Donaire (29-2-0, 18 KOs) ang kanyang mga hawak na International Boxing Federation (IBF) at World Boxing Organization (WBO) super bantamweight titles laban kay Nishioka (39-4-3, 24 KOs) sa Oktubre 13 sa Home Depot Center sa Carson, California.
Pag-aagawan din nina Donaire at Nishioka ang WBC Diamond super bantamweight belt at ang Ring Magazine title.
Nabigo ang 29-anyos na si Donaire na mapatulog sina Omar Narvaez, Wilfredo Vazquez, Jr. at Jeffrey Mathebula.
“No, my impression of Donaire hasn’t changed. He was fast, strong, and a all-round fighter that I had seen on TV,” ani Nishioka sa tubong Talibon, Bohol at ngayon ay nakabase sa San Leandro, California na si Donaire.
Ayon kay Nishioka, si Donaire na ang magiging pinakamabigat niyang sasagupain.
“At this point of my career, I didn’t want to just defend my title with anybody. That’s why I gave up my regular title to be Emeritus champion so that I wasn’t forced to defend the title,” wika ni Nishioka kay Donaire.
(Russell Cadayona)
- Latest
- Trending
