Tickets sa 'Pinoy Pride XVI' gisugdan na'g baligya

CEBU, Philippines - Gisugdan na sa pagbaligya ang mga tiket sa "Pinoy Pride XVI: Venezuelan Invasion" nga bidahan ni ALA world title contender Milan 'El Metodico' Melindo ug Jean Piero Perez sa Venezuela.

Si Melindo manalipod sa iyang WBO International flyweight title batok ni Perez sa main event sa maong fight card sa Septiyembre 22 diha sa Waterfront Cebu City Hotel and Casino.

Niadtong gustong motan-aw sa linawas nga away, ang mga tiket mahimong mapalit sa SM City-Cebu ug SM City-Consolacion Customer Service Counters. Mapalit usab kini sa USA Sports outlets, Bisaya Ispisyal sa Ayala Center-Cebu, Mooon Café I.T. Park branch, ALA Promotions Office sa Nasipit, Talamban, Cebu ug ALA Boxing and Fitness Gym sa 2nd level sa Banilad Town Centre. Alang sa dugang mga pangutana, mahimong motawag sa ALA Promotions head office sa mga numero 03322364611, 0325059513, 0323213660, 09158690905, 09275612059, 09339256448 ug 09088724930. (BANAT)