USJ-R jaguars miangkon sa no. 2 spot

CEBU, Philippines - Nakaginhawa na sab og lawom ang University of San Jose-Recoletos (USJ-R) Jaguars human maka-eskapo, ning higayona batok sa University of Southern Philippines Foundation (USPF) Panthers, 75-74 aron mopahiluna sa ikaduhang dapit sa 12th Cebu Schools Athletic Foundation Inc. (CESAFI) basketball tournament niadtong Lunes sa gabii didto sa Cebu Coliseum.

Naglawig na unta ang Panthers sa ilang unang daog human milabaw, 74-73 human sa split charities ni Earvin Ferraren sa nahabiling 16 segundos, apan si Renato Abing nakapasulod og pinabandang tirada gikan sa baseline sa katapusang 9.7 segundos nga nakapahimo kaniyang bayani.

May higayon unta ang Panthers ni coach Raul Latonio aron modaog, apan grabe kaayo ang depensa nga gipatuman sa Jaguars.

Sila si Abing ug Abulaiz Sulaiman nagkumboya og 37 puntos alang sa Jaguars kinsa mitapos sa elimination round tangag ang 5-1 nga baraha.

Isip second seed, ang Jaguars magbaton og "twice-to-beat" advantage batok sa seventh-ranked Panthers sa quarterfinals.

Sa bugtong duwa sa high school, ang CIT-U Wildkittens midaog batok sa Cebu Eastern College (CEC) Dragons, 82-79.

PUNTOS MATAG USA

Unang duwa:

(Secondary)

CIT-U (82) - Kong 19, Jabines 17, Patindol 10, Singson 7, Aloro 6, Abatayo 5, Espina 5, Nazareno 3, Ebona 3, Empleo 1

CEC (79) - Grijaldo 13, Yap 10, Obado 7, Moral 7, Berdera 7, Bracero 6, Alonzo 5, Zosa 3, Bacho 2, Bayhonan 2

Ikaduhang duwa:

(Collegiate)

USJ-R (75) - Suliman 19, Abing 18, Regalado 10, Capillar 10, M. Parker 6, Olbedado 5, Lajato 3

USPF (74) - J. Ferraren 20, Sedurifa 18, Camello 8, Sollano 8, E. Ferraren 7, Dajalos 2, Corcilles 2   - BANAT NEWS