Mainit na panimula sa UST sa UAAP women's beach volley
Manila, Philippines - Mainit na binuksan ng University of Santo Tomas ang kanilang kampanya sa pagpapanatili ng korona sa pagsungkit ng dalawang sunod na panalo sa UAAP women’s beach volleyball tournament nitong Sabado sa UE Caloocan sand court.
Nangailangan ang reigning MVP na si Judy Caballejo at Maru Banaticla ng Tigresses ng extra set bago matakasan ang hamon ng Adamson tandem na sina Pau Soriano at Sheila Pineda, 19-21, 21-16, 15-13, bago bumalik kinahapunan at ginapi ang pares nina Loryvel Faytaren at Sam Dawson ng Far Eastern University, 21-13, 21-13.
Tinalo naman ng La Salle sa likod nina Wensh Tiu at Kim Fajardo ang Ateneo duo na sina File Cainglet at Bea Tan, 21-18, 21-13.
Bumawi ang Lady Eagles na tinalo sina Jessica Paron at Francislyn Cais ng University of the East, 21-17, 21-14.
- Latest
- Trending
