Kenyans midominar na usab
CEBU, Philippines - Sama sa mga miaging running event sa Sugbo, wala masipyat ang mga Kenyan runners sa pagdominar sa 2nd Y101 Armscor Run kagahapon didto sa Gaisano Countrymall sa Brgy.Banilad, ning syudad.
Sila si Josphat Kiptanui ug Francis Kakui nag-una sa tagsa-tagsa nila ka dibisiyon. Si Kiptanui maoy hari sa 21k men’s class, samtang si Kakui ang midaog sa 10k run.
Nagsunod usab ni Kiptanui ang laing mga Kenyans nga sila si Douglas Mwiti (1:13:12) ug Abraham Missos (1:15:10) isip second ug third runner-ups.
Sa pikas bahin, si Mary Joy Tabal ang nag-una sa 21k women’s class dihang iyang gihuman ang lumba sud sa usa ka oras, 31 minutos ug 22 segundos. Misakmit sa ikaduha ug ikatulong luna sila si Virginia Parajinog ug (1:56:42) ug Helen Dionson (2:04.53).
Si Kakui kinsa mitapos sa 10k sud sa oras nga 33:24 labaw lang og 21 segundos ni Mendel Lopez kinsa maoy second placer. Mipahiluna sa ikatulong dapit si Ronny Andrin (38:32).
Ang top three finishers sa 10k women’s class mao sila si Christy Sevilleno-Tutor (41:49), Jhean Andrin (43:59) ug Kishame Delechos (44:10).
- Latest
- Trending
