PASBREK

‘Ambassador’ Pacquiao

CEBU, Philippines - Nakakuha na usab og laing titulo si Filipino boxing icon Manny Pacquiao kinsa mao karon ang ambassador sa Habitat for Humanity.

Kini human gikataho nga mipalit og mga luna si Pacquiao gikan mismo sa iyang bulsa aron tukuran og mga panimay sa mga taga-Sarangani Province nga nabiktima sa bagyo ug flashfloods. (LPM)

Energen Pilipinas gikastigo

Napaspas ang paglaum sa Energen Pilipinas nga mokampyon sa 22nd FIBA Asia Under-18 Championship human sila lat-i sa South Korea, 77-90 didto sa Mongolia.

Ang Pilipinas moduwa nalang sa consulation round diin may paglaum sila nga makuha ang fifth place sa torneyo sama sa ilang naabtan sa miaging tuig. (LPM)

Ibaka nasagmuyo sa Spain

Mibahad si Oklahoma City Thunder center Serge Ibaka nga dili na moduwa uban sa Spain national team kun dili mausab ang sistema sa koponan.

Si Ibaka wala makauyon sa limitadong oras niya uban sa Spain sa Olympics diin misakmit sila og silver medal sunod sa Team USA nga mao gihapon ang gold medalist. (LPM)

Random blood test sugdan

Sugdan na karong semanaha ang pagpaubos ni four-division world champion Nonito Donaire sa serye sa random blood testing kabahin sa iyang saad aron pamatud-an nga limpyo siya sa illegal nga drugas.

Si WBO/IBF super bantamweight king Donaire makigsangka ni Japanese Toshiaki Nishioka sa Oktobre 13 didto sa US. (LPM)