Carrera Habagat gitakda sa Nov. 21

CEBU, Philippines - Mubalik dinhi sa Sugbo ang makutas nga outdoor adventure race nga Carrera Habagat nga mosikad sa Nobiyembre 21 ug manukad didto sa Cebu Provincial Capitol.

Isip saulog sa ilang ika-25 nga anibersaryo, ang Habagat subling mopahigayon sa maong lumba nga mudagan sud sa upat ka adlaw ug salmutan sa mga elite adventure racers sa nasud.  

Ang matag koponan gilangkuban sa upat ka miyembro ug duha ka support crew nga magtigi sa multi-discipline race nga naglakip sa land navigation, running, trekking, biking, swimming, kayaking/paddling ug rappelling.

Ang rota nga adunay gilay-on nga 500 kilometros molibot gikan sa Cebu City, Talisay City, Danao City ug Toledo City.

Lakip sa mga musalmot mao ang pipila ka sakop sa Mt.Everest Expedition Team sama nila ni Cebuano Leo Oracion ug Pastor Emata. Mga bisitang koponan usab ang moapil sama sa Team Davao Eagles, Iligan ug Ilo-ilo Team.

Sa dugang pangutana mahimong mobisita sa www.habagat.com o tawag sa numero 231-5651. (LPM) - BANAT NEWS