Jones vs Belfort sa UFC 151
CEBU, Philippines - Depensaan ni Jon Jones ang iyang Ultimate Fighting Championship (UFC) light heavyweight title batok sa Brazilian veteran nga si Vitor Belfort sa UFC 151 sunod buwan.
Si Belfort maoy muhulip sa amerikanong si Dan Henderson kinsa dili kaduwa tungod sa injury. (LPM)
Abueva gisuspenso sa NCAA
Gisilotan og one-game suspension sa NCAA ang reigning MVP sa San Sebastian Stags nga si Calvin Abueva human kini manukmag og player sa Lyceum Pirates.
Si Abueva kinsa maoy No.2 pick sa miaging rookie draft, gitang-tang usab sa MVP race karong tuiga sa NCAA. (LPM)
Amit sud sa last 16
Miabante sa Last 16 ang garbo sa Mandaue City nga si Rubilen Amit sa 4th Annual Yalin Women's World 10-Ball Championship didto sa Ortigas.
Ang Pinay pool player nga si Amit milupig sa 13-anyos nga taga-Zamboanga City nga si Cheska Centeno.(LPM)
Armstrong bawian sa mga titulo
Gipaabot karon nga mabawian sa iyang pito ka Tour de France titles ang cycling legend nga si Lance Armstrong tungod sa pasangil nga migamit siya og performance enhancing drugs.
Si Armstrong dugay nang miretiro sa cycling, apan kuyaw nga mahanaw kaniya ang iyang mga titulo tungod sa padayung pasangil sa pagpanikas. (LPM)