CEBU, Philippines - Mao na sa ginhawang paningkamot sa Cebu Institute of Technology University (CIT-U) Passerelle Team aron pakgangon ang Don Bosco Technology Center sa ilang tinguhang mo-iskor og upset human sa ilang 50-44 nga kadaugan kaniadtong Lunes alang sa malampusong debut sa Group-A, 15-U small basketeers sa bag-o lang gisugdan nga 2012 Cebu Milo Passerelle basketball tournament didto sa Sacred Heart School-Ateneo de Cebu covered courts sa dan Gen. Maxilom avenue, ning dakbayan.
Nagsugod ang Don Bosco og 20-14 nga iskor pinaagi sa mga puntos ni Venchenzo Ortega kinsa mibahug og 10 puntos apan daling mibawos ang CIT-U didto sa second period dihang mi-iskor sila'g 19-12 rally ug milabaw sa halftime og usa ka palito, 33-32. Silang Johner Espina ug Steven Jungoy maoy nagkumboya sa opensa sa CIT-U dihang mihimo sila'g 11-5 run aron makakuha'g momentum sa maong duwa. Si Espina mihakot og 12 puntos lakip ang tulo ka three-pointers samtang si Jungoy miamot og 10 puntos. Ang Don Bosco gipangulohan ni Ortega kinsa miposa og 15 puntos ug siya lang ang bugtong player sa ilang team nga nakahimo'g double-digit bisan pa sa ilang kapildehan.
Puntos matag usa:
CIT-U (50)- Espina 12, Jungoy 10, Aloro 7, Cortes 6, Lazaga 5, Singson 4, Labiste 2, Alarcon 2, Faunillan 2.
Don Bosco (44)--- Ortega 15, Cabig 6, Quimque 5, Parame 4, Miralle 4, Matias 3, Asignar 3, Lapinia 2, Bacasmas 2. – BANAT NEWS