17th Milo Little Olympics-Visayas gilusad

CEBU, Philippines - Dul-an sa 7,000 ka mga atleta ang gipaabot nga muhugop na usab alang sa ika-17 edisyon sa Milo Little Olympics-Visayas leg karong Biyernes diha sa Cebu City Sports Center (CCSC).

Moabot sa 225 ka mga tunghaan sa elementary ug sekondarya ang musalmot sa tinuig nga sporting event nga mulungtad sud sa duha ka semana.

Mga sports nga tigian naglakip sa athletics ug swimming events, badminton, chess, football, gymnastics, lawn tennis, scrabble, sepak takraw, sipa, table tennis, taekwondo, ug volleyball.

Ang 16-time Regional champion sa secondary division nga University of Cebu (UC) nga maoy mangulo sa mga top contender, apan makasugat sila og lisud nga hagit batok sa University of San Carlos (USC) ug Abellana National School (ANS).

“It will not be an easy task for UC because USC and Abellana are emerging to be a very strong contenders in the secondary division,” matud pa ni Team Visayas delegation head ug tournament director Ricky Ballesteros.

Ang USC-Basic Education Department modepensa usab sa ilang titulo sa elementary division.

Dugang pa ni Ballesteros nga gawas sa kompetisyon, magsilbe ang torneyo nga preparasyon sa ‘Team Bisdaks’ alang sa ilang laraw nga fourth straight championship sa 4th National Milo Olympics nga sugdan sa Oktobre 19 didto sa Marikina Sports Park sa Marikina City.  – BANAT NEWS