Baby Warriors gipakuratan sa Wildkittens

CEBU, Philippines - Gipakuratan sa Cebu Institute of Technology-University (CIT-U) Wildkittens ang mas dagku nga University of San Carlos (USC) Baby Warriors aron moiskor og come-from-behind nga kadaugan, 72-68 sa 12th Cebu Schoools Athletic Foundation Inc. (CESAFI) kagabii didto sa Cebu Coliseum. 

Nakabangon ang Baby Wildcats human malubong og 16 puntos sa nahabiling 1.5 segundos sa third period, apan kalit kining milusad og mainitong rally nga giduslitan ni Mark Kong nga miburak og 18 puntos sa fourth quarter sa kinatibuk-an niyang 33 puntos aron pangulohan ang Baby Wildcats.

Ang three-pointer ni Kresner Lyle Jabines sa katapusang 25 segundos maoy hingpit nagpatay sa 4-2 nga Baby Warriors.

Ang kadaugan maoy ikatulo sa Baby Wilcats sud sa lima ka duwa.

Si Dolan Adlawan maoy nangu sa Baby Warriors pinaagi sa iyang 25 puntos.

Puntos matag usa

CIT-U (72) - Kong 33, Jabines 9, Patiundol 8, Singson 7, Ebona 5, Laguna 4, Empleo 2

USC (68) - Adlawan 25, Suelto 11, Sotes 8, Osabel 6, Camacho 5, Bulan 5, Antigua 4, Galinato 3 (BANAT)