MANILA, Philippines - Hindi pakakawalan ni Rocky Acidre ang pagkakataon na ibinibigay sa kanya ng Arellano.
Ito ang kanyang ipinakita nang maghatid siya ng 21 puntos, kasama ang apat na tres sa second half upang tulungan ang Chiefs na sorpresahin ang Jose Rizal University, 85-82, sa 88th NCAA men’s basketball.
“Hindi ko naman balak na umiskor ng ganito pero dumating ang oportunidad sa akin at naipapasok ko naman ang mga pinupukol ko,” wika ng 20-anyos na si Acidre na siyang hinirang bilang NCAA Player of the Week ng mga mamamahayag na kumokober sa pinakamatandang collegiate sa bansa.
May anim na assists din si Acidre sa nasabing laban at dalawa rito ay ibinigay niya kay James Forrester tungo sa magkasunod na lay-ups.
Ang panalo ay nag-akyat sa Chiefs sa 4-6 karta puwesto sa Final Four, hangga’t patuloy na mag-iinit si Acidre ay lalaban sila hanggang sa huli. (AT)