Cadungog bayani sa Harold's Hotel

CEBU, Philippines - Miiskor sa iyang mahinungdanong lay-up sa katapusang kuwatro segundos   si Dondon Cadungog aron baswaton ang Harold’s Hotel ngadto sa kulbahinam kaayong   kadaugan batok sa Vanese Justine, 78-77 sa   F. Llamas Youth Association (FYA) basketball tournament niadtong Miyerkules didto sa barangay Tisa gym.

Sa laing duwa, ang Evoo Resto Bar midemolis sa Simple Likes Barbecue Haus sa iskor nga 85-68.

Si Cadungog mihipos og 18 puntos, apan si Jaime Atuel maoy topscorer sa iyang 23 puntos alang sa Harold's Hotel nga naghupot og 2-1 nga baraha.

Si Chrissar Llegunas mipabuto og 26 puntos, samtang sila si Duke Teves ug John Lloyd Llegunas nagkumboya og 24 puntos, apan nakawang lang ang ilang mga paningkamot kay ang Vanese Justine nakatilaw sa ilang ikaduhang pilde sa upat ka duwa.

Sa laing duwa, si McLean Alkuino miburak og 23 puntos alang sa Evoo Resto Bar , kinsa nagbitbit og 2-1 nga baraha.

Mikabkab sab og 23 puntos si Ryan Villaver aron pangulohan ang Simple Likes ning maong torneyo nga gidumala ni tournament chairman ug Punta Princesa barangay councilor Boy Atillo uban sa suporta ni Tisa barangay councilor Eddie Cabulao.   - BANAT NEWS

PUNTOS MATAG USA

Unang duwa:

Harold’s Hotel (78) - Atuel 23, Cadungog 18, Cal 12, Limbaga 9,Rupal 6, Cueme 4, Barro 2

Vanese Justine (77) - C. Llegunas 26, Teves 14, J. Llegunas 10, Pasarello 7, Jakosalem 6, Pacana 5, Sydiongco 4, Villaflor 3, Randy 2

Ikaduhang duwa:

Evoo Resto Bar (85) - Alkuino 23, Mayol 18, Caballes 15, Endrina 14, Calsano 5, Macachor 4, Ponce 4

Simple Likes (68) - Villaver 23, Dumaguit 14, Medalle 10, Mirasol 10, Masongsong 5, Codilla 4, Zapanta 2   - BANAT NEWS