CEBU, Philippines - Mangabot na karong adlawa ang mga Mexican boxers nga makigsangka sa mga ALA Boxer sa gikaintapang 'Pinoy Pride XV: Philippines vs Mexico- The Rematch' karong Sabado didto sa Waterfront Hotel.
Sila si light welterweight Rosbel Montoya, super bantamweight Jorge Pazos ug welterweight Angel Martinez moabot karong adlawa aron usab makahimo pa sila og gamay'ng preparasyon sa dili pa ang ilang tagsa-tagsa ka mga sangka.
Sa gipaabot nga rematch, si Montoya kinsa maoy una nilang sangka musuway pagpilde pagbalik sa ALA rising star Jason Pagara alang sa WBO International light welterweight title sa main event.
Si Pazos makig-ilog sa WBO Asia Pacific super bantamweight title ni Genesis Servania. Suwayan ni Martinez ang abilidad sa veteran boxer nga si Jimrex Jaca.