Pagara mapilde

CEBU, Philippines - Nanganti si Mexican Jorge 'El Feroz' Pazos nga iyang putlon ang nagkutay nga daog ni ALA rising prospect Genesis 'Azukal' Servania atol sa ilang sangka sa "Pinoy Pride XV: Philippines vs. Mexico-The Rematch" sa Agosto 18 diha sa Waterfront Cebu City Hotel and Casino.

Sila si Servania ug Pazos mag-ilog sa bakanteng WBO Asia Pacific super bantamweight title.

Si Pazos nakasinati na sa estilo sa away ni Servania pinaagi sa mga   tapes ug daku ang iyang pagsalig   nga mapahamtangan niya si Servania sa labing una niining pilde.

Magsangka sa main event mao sila si Jason Pagara batok ni Mexican Rosbel Montoya, samtang ang beterano nga si Jimrex Jaca makigharong ni Angel Martinez.   - BANAT NEWS