Vanese Justine milansang ikaduhang daog sa FYA

CEBU, Philippines - Gipilde sa Vanese Justine ang Simple Likes Barbecue Haus, 77-70 alang sa ilang ikaduhang sunod-sunod nga daog sa F. Llamas Youth Association (FYA) basketball tournament didto sa barangay Tisa gym.

Sa main game, ang Harold's Hotel nakarekober gikan sa ilang kapildihan dihang ilang gipahimungtan ang Evoo Resto Bar, 75-67.

Si John Lloyd Llegunas maoy topscorer sa Vanese Justine pinaagi sa iyang 21 puntos, samtang ang iyang ig-agaw nga si Chissar Llegunas ug si Duke Teves midugang og 14 puntos matag usa alang sa ilang 2-0 nga baraha.

Ang Simple Likes, usa sa mga title contenders, nagbayad og daku tungod sa kadaghan nilang sipyat gikan sa free throw line diin duha lang sa 24 ka tirada ang ilang nahimo sud sa fourth period.

 Si Lito Mirasol maoy nangu sa Simple Likes sa iyang 19 puntos, samtang sila si Ryan Villaver ug Noel Medalle nagkumboya og 30 puntos.

Sa laing bahin, ang speed demon nga si Dondon Cadungog maoy nangu sa Harold's Hotel sa iyang 28 puntos kasagaran niini gikan sa fastbreak points. Miabag sab si Jaime Atuel nga miamot og 23 puntos.

Silang Mclean Alkuino ug Reboy Caballes maoy nangu sa Evoo Resto Bar nga nagkumboya og 42 puntos.

Puntos Matag Usa

Unang duwa:

Vanese Justine (77) - J. Llegunas 21, C. Llegunas 14, Teves 14, Sydiongco 9, Jakosalem 6, Pesarillo 4, Villordon 4, Tolentino 4, Pacaña 1

Simple Likes (70) - Mirasol 19, Villaver 16, Medalle 14, Masongsong 7, Dacayana 7, Pacaña 5, Dumaguit 2

Ikaduhang duwa:

Harold’s Hotel (75) - Cadungog 28, Atuel 23, Sabalande 10, Barro 6, Cueme 3, Tolentino 2, Rupal 2, Cal 1

Evoo Resto Bar (67) - Alkuino 22, Caballes 20, Endrina 11, Guy 6, Medalle 6, Ponce 2   - BANAT NEWS