MANILA, Philippines - Dadalo si Brooklyn Nets Brook Lopez sa NBA 3X Philippines 2012 na inihahandog ng Sprite sa SM Mall of Asia Music Hall at sa SM by the Bay sa Agosto 17 – 19, 2012.
Ang seven-foot center na si Lopez, muling pinapirma ng bagong kontrata ng Brooklyn Nets, ay makikisalamuha sa kanyang mga fans sa pamamagitan ng mga clinics at community events.
Si Lopez, naglaro ng apat na seasons sa Nets, ay ang No. 10 overall pick sa 2008 NBA Draft at napasama sa All-Rookie First Team noong 2009.
Maaaring bisitahin ng mga fans ang NBA 3X website sa www.nba3X.com/Asia/Philippines, kung saan magpapasok ng blog entries si Lopez.
“I am very excited to visit the Philippines for this year’s NBA 3X presented by Sprite,” sabi ni Lopez. “I know some of the NBA’s most avid fans are in the Philippines and I look forward to bringing a taste of the league to their home country and seeing a great display of basketball talent.”
Bukod dito, mapapanood din ang Charlotte Lady Cats Dancers at Orlando Magic Stuff Mascot sa NBA 3X Philippines 2012.