MANILA, Philippines - Wakasan ang laro sa first round bitbit ang isa pang panalo ang nais na gawin ng Perpetual Help sa pagharap sa Arellano sa 88th NCAA men’s basketball ngayong hapon sa The Arena sa San Juan City.
Bitbit ng Altas ang 6-2 karta at may dalawang dikit na laro na haharap sa Chiefs sa alas-4 ng hapon.
Galing ang tropa ni coach Aric Del Rosario mula sa isang come-from-behind 72-71 win laban sa Emilio Aguinaldo College noong Hulyo 28.
Si Jet Vidal, nagbangon sa koponan mula sa 14 puntos pagkakalubog sa huling yugto laban sa Generals, ang aasahan muli ng Perpetual katulong sina Earl Thompson, George Allen, Harold Arboleda at mga imports Nosa Omorogbe at Adefemi Babayemi.