Green Team midaog sa Kentkyle Cuisine

CEBU, Philippines - Midaog ang Green Team batok sa Kentkyle Cuisine, 85-73 sa 3rd Major Alfonso Abbariao Cup 2012 Biggest Loser basketball tournament didto sa Basak San Nicolas gym, ning dakbayan.

Si Noel Medalle maoy naghatag og 26-21 nga labaw sa Green sa opening period, apan mibawos ang Kentkyle pinaagi sa ilang 20-7 run dihang nangigo silang Jingjing Rama, Kenneth Maningo ug Gilbert Real aron sakmiton ang labaw sa halftime, 41-33.

Nagbahis ang Green sa third period diin mipabuhagay kini’g 33-15 rally aron moposte og 10 puntos nga bentaha, 66-56 paingon na pagkulit og 12 puntos nga kadaugan.

Si Medalle maoy nangu sa 2-0 nga Green sa iyang makabungog nga 35 puntos, si Lester Gabica midugang og 12 puntos.

Ang Kentkyle gipangulohan ni Maningo, kinsa miposa'g 20 puntos, gisundan nilang Real ug Junry Arreglo nga parehong miiskor og 10 puntos,

Sa sayo pa, ang Blue Team ni District Collector Ronnie Silvestre midaog batok sa Alin Customs Brokerage sa iskor nga 90-80.

Nagkumboya og 38 puntos silang Ronan Cañete ug Rizan Herbito aron pangulohan ang Blue, samtang sila si Chito Manahan ug Tata Laborte miamot og 17 puntos matag usa.

Si Ryan Villomo maoy nangu sa pilderong Alin pinaagi sa iyang 24 puntos.

Puntos matag usa

Unang duwa:

BLUE (90) - Cañete 20, Herbito 18, Manahan 17, Laborte 17, Bacalla 11, Silvestre 4, Mabalo 3

ALIN (80) - Villomo 24, I. Alin 11, Barral 10, Egpit 8, Estorgio 6, Desucatan 6, Laurel 5, Labrador 4, Racoma 4, Lobitania 2

Ikaduhang duwa:

GREEN (85) - Medalle 35, Gabica 12, Rabago 9, Javellana 9, Paghasian 6, Apuya 4, Rabanes 4, Dela Cruz 2, Alipante 2, Cabrera 2

KENTKYLE (73) - Maningo 20, Real 10, Arreglo 10, Caynila 6, Diaz 6, Rama 6, Alaan 5, Espina 4, Marata 2, Engracial 2, Valenzuela 2 (BANAT NEWS)