CEBU, Philippines - Mohimo sa una nilang public workout ang ALA Gym boxers nga moaway sa Pinoy Pride XV: Philippines vs. Mexico the Rematch karong hapon didto sa SM City-Consolacion.
Sila si light welterweight prospect Jason 'El Niño' Pagara, Genesis 'Azukal' Servania ug Jimrex 'Executioner' Jaca moladlad sa bunga sa pipila ka buwan nilang ensayo agi'g pagpangandam sa tagsa-tagsa nila ka sangka sa Agosto 18 diha sa Waterfront Cebu City Hotel and Casino.
Makig-"rematch" si Pagara ngadto ni Mexican Rosbel Montoya alang sa bakanteng WBO International light welterweight title.
Ang undefeated nga si Servania, kinsa bag-o lang midaog batok ni Garcia niadtong Hunyo didto sa Resort’s World Manila, makigbinukbukay sa Mehikanong si Jorge Pazos, samtang ang beteranong si Jimrex Jaca mohimo sa iyang comeback fight batok sa laing Mehikano nga si Angel Martinez.
Gawas sa kahigayunan nga makakita sa ilang mga idolo, makaangkon usab og higayon ang mga boxing fans nga modaog og libreng tiket sa ipahigayong Pinoy Pride XV trivia contests. - BANAT NEWS