Phelps naungusan ang Russian gymnast sa paramihan ng gold sa Olympics

LONDON --Sa huling 10 metro ng kanyang history-making race, nag-iisa na lamang si Michael Phelps na nararapat lamang para sa isang Olympic icon na kinilalang ‘most decorated medal-winner of all time’.

Hawak ang anchor leg sa men’s 200-freestyle relay, tinulungan ni Phelps ang United States ng manalo ng gold medal – ang pang 15 sa kanyang career at ika-19 niyang beses na aakyat sa Olympic podium.

Nag-iisa siya ngayon sa overall medal count matapos ungusan si Russian gymnast Larissa Latynina bilang ‘most-decorated athlete’ sa kasaysayan ng Olympic Games.

Umentra si Phelps na may 17 medals, nakakuha ng silver sa 200-meter butterfly kasunod ang gold sa 4x200m.

Bago magsimula ang 4x200m race, niyakap ni Phelps ang kanyang mga kakampi sa huddle at pinasalamatan ang mga ito para sa kanilang kontribusyon.