CEBU, Philippines - Usa ka lig-ong Italian boxer ang sangkaon sa pambato sa Pilipinas nga si Mark Anthony Barriga sa first round sa light flyweight category sa boxing event sa 2012 London Olympics.
Atubangon ni Bariga si Manuel Cappai kinsa gihulagway nga susama og lijok sa defending champion ug top-seed nga si Zou Shiming sa China.
“Parang si Zou kung maglaro. Suntok, takbo, suntok, takbo. Counter puncher ito,” matud pa sa coach ni Barriga nga si Roel Velasco.
Si Cappai ang bronze medalist sa European qualifying event, apan si Velasco masaligon nga anaa ni Barriga ang tanang pabor aron mudaog batok sa mas taas nga Italyano.
“Mataas. Ako naman talaga ang pinakamaliit sa grupo,” matud pa ni Barriga. “Okay lang, handa din naman ako.”
Gipaabot nga musaka sa labing unang higayun si Barriga karong Martes. Si Barriga usa sa 11 ka mga atletang Pinoy nga gilaumang makakuha og medalya alang sa nasud. gikan sa Philstar