Power 40 23rd anniv. saulogon
CEBU, Philippines - Saulogon ugma sa mga sakop sa Power Forty ubos sa liderato ni Romy Rama ang ika-23 nilang anibersaryo pinaagi sa duha ka exhibition games ug awarding ceremony sa Power Forty President’s Cup diha sa Inayawan Sports Complex.
Sayo ning buntag, magsangka ang Power Forty batok sa Talisay Basketball Association (TBA) ubos sa 60-year old category.
Sa alas-8 sa buntag himuon ang awarding alang sa Power Forty President’s Cup nga pangulohan sa kampiyon Park ‘N Go Bakeshop ni Romy Rama uban sa Water Market (second placer), UTASSCO ni Atty. Flor Yosores (third placer) ug Ang Tibay Mo (fourth placer).
Sa alas 9:30 sa buntag, laing exhibition game ang pagahimuon tali sa Power Forty All-Star batok sa Naga Federation of Basketball Association (NAFBA).
Human sa ilang duwa, adunay himuon nga 3-point shoot-out diin si Edwin Dejacto modepensa sa iyang korona. (BANAT SPORTS)
- Latest
- Trending
