CEBU, Philippines - Ang Poblacion nga gipangulohan ni Mark Abadia mipukan sa Catarman, 86-74 sa tinaktakay nga duwa sa ilang "best-of-three" finals series aron sakmiton ang championship trophy sa seniors division sa 6th Addy Sitoy Cup basketball tournament niadtong Domingo sa gabii didto sa Cordova Sports Complex.
Si Abadia nga wala makaiskor sa first period, hinay-hinay nga nakarekober gikan sa pobre kaayo niyang performance aron pangulohan ang Poblacion pinaagi sa iyang 24 puntos. Ang hometown favorite nga si Janjan Degamo midugang og 23 puntos, samtang laing tulo ka Poblacion players ang mirehistro og double figures.
Ang naparot nga Catarman gipangulohan ni UV Lancer Junnard Premacio, kinsa miburak og 18 puntos.
Lain pang reinforcements sa Catarman mao si UV Lancer John Michael Abad ug ex-USC Warrrior center Enrico Llanto.
Puntos Matag Usa
Poblacion (86) - Abadia 24, Degamo 23, Celocia 11, Jarron 10, Limpangog 110, Baguio 6, Celocia 2
Catarman (74) - J. Premacio 18, Andales 16, Llanto 14, Abad 13, Premacio 13. - BANAT NEWS