Olympian nga dili makasalmot sa London

CEBU, Philippines - Usa unta ka talentadong atleta kining South-Sudanese nga si Guor Marial ug usa na lang ka semana, andam na siyang mosalmot sa London Olympics apan wala makumpirmar ang iyang biyahe.

Mi-qualify si Marial sa Olympics kaniadtong Oktubre human makab-ot ang Olympic "A" standard sa marathon dihang midagan siya og duha ka oras, 14 minutos ug 32 segundos atol sa 2011 Twin Cities Marathon.

Ang nakakuwang lang karon ni Marial kung unsa nga nasud ang iyang representahan didto sa Olympics.

Ang International Olympic Committee (IOC) nagkinahanglan nga ang usa ka atleta usa ka citizen sa ilang nasud diin siya morepresentar.

Bisan pa man tuod ug nakapuyo na si Marial ug 11 ka tuig sa Estados Unidos, wala pa siya makakuha'g hingpit nga citizenship ug ang iyang kahimtang isip permanent resident dili pa igo nga masul-ob siya sa color sa uniporme sa America nga pula, puti ug blue didto sa London.

"Technically, I was supposed to be a citizen last June, because I did everything, I did my citizen test, I did my interview, I did my fingerprints, and everything was all set. All I needed to do was to go to their office and get my passport and do the ceremony. That was in June 2011, but there has been a security background check...and that's what took everything longer," sumala pa nia Marial dihang nakighinabi siya sa magasin nga Runner's World.

Nahimugso si Marial didto sa Republic of South Sudan nga usa ka independenteng nasud nga wala pay National Olympic Committee usa usa ka rekisito sa IOC sa mga nasud aron kini makasalmot sa Olympics.

Tungod kay wala man siya'y nasud nga representahan, naghimo'g petisyon si Marial ngadto sa IOC nga tugotan siyang modagan isip independent participant nga magdala sa Olympic flag.

"It would be great for the people of South Sudan for me to run as an independent," matod pa ni Marial ngadto sa New York Times. -  BANAT NEWS