Nex 115 2012 iparada sa Suzuki

CEBU, Philippines - Ipakita sa Team Suzuki Phoenix-BMR Racing ang ilang bag-ong underbone racing bikes sa second leg sa Racing Line's 2012 Castrol Power 1 Regional Underbone Grand Prix karong adlawa didto sa Hoops Dome, dakbayan sa Lapu-Lapu.

Ang team manager ug playing coach nga si Bobby Mencias mibutyag nga ilang iparada ang duha ka bag-ong modelo sa Suzuki, ang Nex 115 2012.

Gilauman sab ni Mencias ang pagbalik ni Mario Borbon sa koponan. Si Borbon gipaabot nga mopakita sa tanan niyang nakat-onan atol sa iyang pag-adto sa Japan.

Gawas ni Borbon, laing tulo ka potensiyal underbone racers mopakita sab sa ilang katakus ubos sa Suzuki Phoenix-BMR. Kini naglakip ni kanhi motocrosser peewee rider Paul Mencias, Jeffrey Tuico ug Louie Chan.

Mopakita sab og aksiyon ang mga riders gikan sa Cyrus Racing Team, Yamaha X-Racing, Honda Motoworld Racing ug Charles Racing Team.  (BANAT SPORTS)