Sinukmagay sa Compostela

CEBU, Philippines - Magsinukliay na og kumo si   Philippine super flyweight champion Marco Demecillo Singwangcha ug Phl ranked No. 8 Jeffrey Cerna sa main event sa "No Retreat, No Surrender" fight card karong gabii didto sa Compostela Sports Complex.

Ang knockout artist nga si   Singwangcha walay pilde sa iyang 17 ka away diin 12 niini gikan sa knockout, samtang si Cerna adunay rekord nga 12-5, 5KOs.

Sa katapusan niyang away, ang 21-anyos nga si Singwangcha milampos pagdepensa sa iyang bakus pinaagi sa third round TKO batok ni Marvin Mabait niadtong Marso didto sa Mactan, Lapu-Lapu City.

Lahi sa iyang kontra, si Cerna nakahiagum og duha ka sunod-sunod nga kapildihan, ang labing uwahi mao ang "split decision"   batok ni ALA Boxer Arthur Villanueva niadtong Hunyo 2 didto sa Resorts World Hotel sa Manila.

Sa supporting bout, si TI Yamagata Aguelo sa Maasin City makigharong ni Jerry Nardo alang sa Phl featherweight title, samtang si Redondo Singwangcha makigbinukbukay   ni Eman Labanza alang sa PBF super featherweight belt.

Sa undercard si TI Yamagata Valero makigbatok ni Gerald Ubatay, Rajah Renoel Pael batok Louie Arlos ug TI Yamagata Ardie batok Arnel Caoktoy. (BANAT SPORTS)